Umunya Esipanye Lucas Vasquez w’imyaka 33 yongereye amasezerano muri iyi kipe akinira kuva mu buto bwe kuva mu mwaka wa 2007 mu batarengeje imyaka 16 ubwo nawe yari afite imyaka cumi n’itandatu, yazamuwe mu ikipe nkuru mu mwaka wa 2015 nyuma yo kuva mu ntizanyo mu ikipe ya Espanyol Barcelona.
Kuri uyu wa 18,nyakanga nibwo ikipe ya Real Madrid ibinyujije mu bitangazamakuru byayo byose yatangaje ko yongereye amasezerano y’umwaka umwe umukinnyi wayo Lucas Vasquez ko ikibona Vasquez yabafasha byinshi haba mu kibuga no hanze yacyo nko mu rwambariro akaba yasinye amasezerano azamugeza mu mpeshyi ya 2025.
Uyu mukinnyi kuva mu mwaka wa 2015 yatwaranye champions league eshanu na shampiyona za la liga enye super cups eshatu,igikombe cy’umwami kimwe na Spanish super cup enye, akaba amaze kuyikinira imikino irenga magana abiri.
