Umunyabigwi wakanyujujeho mu mupira w’amaguru mu makipe nka Manchester United na Everton n’ikipe y’igihugu y’abongereza Wayne Mark Rooney w’imyaka 38 wahisemo inzira yo gutoza nyuma yo kureka gukina ruhago yibajijweho ku mukino wa mbere wa shampiyona.
Mu mukino wafunguraga umwaka w’imikino wa 2024/2025 muri shampiyona y’ikiciro cya kabiri mu Bwongereza izwi nka championship wabaye kuri iki cyumweru taliki 11,kanama aho ikipe atoza ya Plymouth Argyle itozwa n’uyu mugabo yanyagirwaga ibitego bine ku busa n’ikipe ya Sheffield Wednesday byatangaje benshi kuko ubundi bimenyerewe ko ikipe ifite umutoza mushya ubundi ihangana mu mikino yambere gusa kuri Rooney siko byagenze.
Uyu mugabo imitoreze ye yibajijweho na benshi nyuma y’iyi nsinzwi bibaza niba Plymouth atayisiga ahabi nk’uko yabikoze Derby County aho yayitoje akayisiga imanutse mu kiciro cya gatatu, bishimangira ko kuba umukinnyi mwiza bitakugira umutoza mwiza.
