Umunya Brazil ukina yugarira Emerson Aparecido Leite de Souza uzwi nka Emerson Royal uherutse kwerekeza mu ikipe yo mu kiciro cya mbere mu Butaliyani ariyo AC Milan avuye muri Tottenham Hotspurs yo mu bwongereza yagize icyo atangariza itangazamakuru ku buryo yiyumva nyuma yo kwerekeza mu ikipe nshya.
Uyu musore ufite imyaka 25 kuri ubu aganira n’umunyamakuru wa la gazzetta dello sport yagize ati “nshaka gukora amateka akomeye hano nka Kaka,Thiago Silver, na Cafu”, yakomeje avuga ko akunda nimero 22 kuko yambarwaga na Kaka muri iyi kipe ya AC Milan kandi ko ajya anayambara mu ikipe y’igihugu ya Brazil.
Uyu musore yakiniye ikipe ya Tottenham kuva mu mwaka wa 2021 aturutse mu ikipe ya Real Betis yari amazemo imyaka ibiri ari intizanyo ya Barcelona muri iyi kipe, akaba yaratsindiye Tottenham ibitego bine mu mikino 79 ayikiniye mu myaka itatu, abafana ba AC Milan bakaba bamuhanze amaso.
