Umunya Portugal ukina hagati mu kibuga mu ikipe ya Manchester United n’ikipe y’igihugu ya Portugal Bruno Miguel Borges Fernandes w’imyaka 29 yamaze gusinyira iyi kipe andi masezerano nyuma y’imyaka ine akinira iyi kipe.
Uyu mukinnyi yaje mu ikipe ya Manchester United mu kwezi Kwa mbere mu mwaka wa 2020 avuye mu gihugu cya Portugal mu ikipe ya Sporting Lisbon aguzwe asaga miriyoni 55 z’amayero, kuri uyu wa 14,kanama nibwo hamenyekanye ko Bruno Fernandes yasinyiye iyi kipe andi masezerano azamugeza mu mwaka wa 2027 hakaba hazongerwaho undi mwaka mugihe impande zombi zizabyumvikanaho.
Bruno Fernandes umaze gukinira iyi kipe imikino 234 ayitsindira ibitego 78, uyu mukinnyi nyuma y’uko agizwe gapiteni wa Manchester United avuga ko ari inzozi ze zabaye impamo kandi atazigera atenguha abakunzi b’iyi kipe iri mu zikunzwe ku isi.
