Rutahizamj w’umwongereza Jamie Richard Vardy w’imyaka 37 aciye agahigo ko kuba mu bakinnyi bamaze gutsinda ibitego byinshi ku mukino wa mbere wa shampiyona mu ikipe ye ya Leicester city abereye na Gapiteni.
Uyu mugabo uri mu ikipe ya Leicester city kuva mu mwaka wa 2012,igitego atsinze mu mukino wabaye mu ijoro ryo kuri uyu wa 19,kanama wabahuzaga n’ikipe ya Tottenham Hotspur bakaza kunganya igitego kimwe kuri kimwe aho igitego cy’uyu mugabo cyo ku munota wa 57 cyaje cyishyura icyo Pedro Porro yari yabatsinze ku munota wa 29, ibi byatumye Vardy aba umukinnyi wa kabiri utsinze ibitego byinshi bifungura umwaka w’imikino mu ikipe ye muri shampiyona y’abongereza y’ikiciro cya mbere n’ibitego umunani arushwa kimwe na Mohamed Salah ufite icyenda.
Aka gahigo Vardy agasangiye na Wayne Rooney, Frank Lampard na Alan Shearer wakiniraga Newcastle United aho bose bafite ibitego umunani batsinze ku munsi wa mbere wa shampiyona y’abongereza ikiciro cya mbere.
