Ikipe y’igihugu y’ubudage y’umupira w’amaguru yasezeweho n’abakinnyi bane bakomeye aribo Manuel Neuer w’imyaka 38,Thomas Muller w’imyaka 34,Toni Kroos w’imyaka 34 na Ilkay Gundogan w’imyaka 33.
Manuel Neuer
Uyu mugabo yabonye izuba mu gace ka Gelsenkirchen mu cyahoze Ari Ubudage bw’uburengerazuba mu mwaka wa 1986 ubu akaba afite imyaka 38, uyu mugabo yatangiriye umwuga wo gukina umupira nk’umunyezamu mu ikipe ya Shalke 04 yo mu Budage kuva 1991 afite imyaka 5 kugeza 2011 agiye mu ikipe ya Bayern Munich akinira kugeza ubu, uyu mugabo yakiniye ikipe y’igihugu cye cy’Ubudage kuva mu mwaka wa 2009 kuza asezeye muri uyu mwaka wa 2024 asezereyeho akaba yaranatwaranye nayo igikombe cy’isi cyabereye muri Brazil muri 2014.
Thomas Muller
Uyu mukinnyi yaboneye izuba mu gace ka Weilheim mu cyahoze Ari Ubudage bw’uburengerazuba mu mwaka wa 1989 ubu afite imyaka 34, yatangiriye umwuga wo gukina umupira mu ikipe y’abato ya TSV Pähl mu mwaka wa 1993 ubwo yari afite imyaka 4 y’amavuko yaje kwerekeza mu ikipe ya Bayern mu mwaka wa 2000 ubwo yari afite imyaka 11 gusa azamurwa mu bakuru muri 2008 kugeza ubu akaba ayikiniye imikino 473 ayitsindira ibitego 149, Muller yatangiye gukinira ikipe ye y’igihugu mu mwaka wa 2010 ayitsindira ibitego 45 mu mikino 131, uyu mugabo ari no mubafashije iki gihugu gutwara igikombe cy’isi cya 2014.
Toni Kroos
Kroos yaboneye izuba mu gace ka Greifswald mu burasirazuba bw’ubudage mu mwaka wa1990 ubu yujuje imyaka 34,uyu mugabo yatangiriye umupira w’amaguru mu ikipe ya Hansa Rostock kugera agize imyaka 16 nibwo yagiye mu ikipe ya Bayern Munich mu mwaka wa 2006, mu mwaka wa 2009 yatijwe muri Bayer Leverkusen muri 2010 agaruka muri Bayern Munich, mu mwaka wa 2014 yerekeje muri Esipanye mu ikipe ya Real Madrid avuyemo uyu mwaka asezeye ku mupira w’ababigize umwuga, Kroos yanakiniye igihugu cye kuva 2010 kugeza muri uyu mwaka, Kroos kandi yari mu bafashije iki gihugu kwegukana igikombe cy’isi cya 2010.
Ilkay Gundogan
Uyu mukinnyi yavukuye mu gace ka Gelsenkirchen mu Budage mu mwaka wa 1990 akaba asatira imyaka 34, yatangiriye urugendo rw’umupira w’amaguru mu ikipe ya SV Gelsenkirchen-Hessler kuva 1994 kugeza mu mwaka wa 2004,yakiniye amakipe nka Bochum, Nuremberg kugeza 2011 agiye muri Borrusia Dortmund yamumuritse cyane akaza kugurwa na Manchester City mu mwaka wa 2016, Aho mu mwaka wa 2023 yerekeje muri Barcelona ayisinyira umwaka umwe, uyu mukinnyi yakiniye iki gihugu cy’ubudage kuva 2011 kugeza uyu mwaka asezereho igihugu cye.
