Rutahizamu ukomoka muri Nigeria w’imyaka 25 wakiniraga ikipe ya Napoli ntiyorohewe n’ibihe ari gucamo muri iyi kipe arimo kuva mu mwaka wa 2020 akaba ayimazemo imyaka ine kuva yava mu gihugu cy’Ubufaransa mu ikipe ya Lille.
Uyu musore waranzwe no gutsinda ibitego kakahava muri iyi kipe ya Napoli cyane ko amaze kuyikinira imikino 108 akayitsindira ibitego 65 akaba yaranayifashije kwegukana shampiyona yo mu mwaka w’imikino wa 2022/2023 ubwo yari kumwe n’umutoza Luciano Spalleti, uyu musore nyuma y’uko iyi kipe ihawe umutaliyani Antonio Conte akaba mu rutonde rw’abakinnyi ba Napoli izifashisha muri uyu mwaka w’imikino rwasohotse hatariho uyu mukinnyi.
Ibi bifatwa nkaho ari ukwihimura kw’iyi kipe yakoreye uyu musore nyuma y’uko muri iyi mpeshyi yanze kubasinyira andi masezerano ndetse akaguma asunikira iyi kipe kumugurisha mu zindi zamushakaga harimo na Chelsea byapfuye ku munota wa nyuma w’isoko ryo ku mugabane w’uburayi.
