Ikipe ya Manchester United yatangaje ko myugariro wayo ukomoka mu gihugu cy’Ubuholandi Tyrell Johannes Chico Malacia w’imyaka 25 yagarutse mu myitozo n’ikipe nkuru nyuma y’igihe kinini kirenga umwaka adakina.
Kuri uyu wa 20, nzeri nibwo iyi kipe yatangaje amafoto ku mbuga nkoranyambaga zayo nka Instagram na X yahoze ari Twitter amafoto atandukanye y’uyu musore ari mu myitozo n’ikipe ya mbere itegura umukino izakinamo na Crystal Palace gusa uyu musore nk’uko biteganijwe ntazaboneka muri uyu mukino nk’uko umutoza w’iyi kipe abivuga.
Uyu musore akaba yaherukaga mu kibuga akinira ikipe ye ya Manchester United mu kwezi kwa gatanu umwaka ushize wa 2023 akaba yari amaze igihe kigera ku mwaka n’amezi ane arwana n’imvune yo mu ivi.
