Myugariro mpuzamahanga w’umufaransa Raphael Varane Xavier wamenyekanye mu makipe nka Lens yo mu Bufaransa,Real Madrid na Manchester United yo mu bwongereza yatangaje ko yamaze kureka umupira w’ababigize umwuga ku myaka 31 y’amavuko.
Amakuru dukesha imbuga nkoranyambaga nka Instagram z’uyu mugabo wakuriye mu mu gihugu cy’Ubufaransa agatangirira umupira mu bato b’ikipe ya Lens kuva mu bwana bwe kugeza mu mwaka wa 2011 yerekeje mu ikipe ya Real Madrid yaje gutwarana nayo ibikombe bitandukanye nka Shampiyona eshatu za la liga, shampions league enye, n’ibikombe bindi byinshi mu byashobokaga, Varane yanafashije ikipe y’igihugu y’Abafaransa gutwara igikombe cy’isi cya 2018, uyu mugabo mu mwaka wa 2021 yerekeje mu ikipe ya Manchester United atwarana nayo ibikombe bibiri birimo FA cup ya 2024 na Calabao cup ya 2023 mu myaka itatu yari ayimazemo.
Varane haje kumenyekana muri iyi mpeshyi ishize ubwo yari asoje amasezerano ye mu ikipe ya Manchester United ko habayeho ibiganiro we na Manchester United bemezanya gutandukana ku bwumvikane yerekeza mu ikipe ya Como FC yari izamutse mu kiciro cya mbere mu Butaliyani uyu mwaka gusa aza guhura n’ikibazo cy’imvune ku mukino we wa mbere binavugwa ko ari nayo mpamvu fatizo yo gusezera umupira w’amaguru kwe.
