Umufaransa ukinira ikipe ya Al-ittihad yo muri Saudi Arabia yerekejemo muri 2023 avuye mu ikipe ya Chelsea yo mu bwongereza yagaragaye asukura ikibuga nyuma y’uko cyari cyanduye cyane mu mukino bakinaga na Al Ahli kuri uyu wa 31, ukwakira.
Uyu mugabo w’imyaka 33 watwaranye n’ikipe ya Leicester city igikombe cya Shampiyona y’abongereza mu mwaka wa 2016 akajya no kugitwarana na Chelsea mu mwaka wakurikiyeho muri 2017, nk’umwe mubakinnyi bazwiho guca bugufi no kubaha cyane mu mukino ikipe ye ya Al-ittihad yatsindagamo ikipe ya Al Ahli igitego kimwe ku busa, N’Golo Kante yafashe umwanya atoragura imyanda yari yanyanyagijwe n’abafana mu kibuga mu gihe bagenzi be bari bagiye mu karuhuko ko kunywa amazi, iki gikorwa cyavugishije kinashimisha benshi yaba abamukunda n’abakunzi b’umupira muri rusange.
Uyu mukinnyi kandi usibye kuba yarafashije amakipe yose yakiniye gutwara ibikombe ari mubagenderwaho n’igihugu cye cy’Ubufaransa yagifashije gutwara igikombe cy’isi cya 2018 akaba anafatwa nk’umwe mu beza ku mwanya akinaho wo hagati mu kibuga mu kiragano cye.
