Ikipe ya Fluminense ikina ikiciro cya mbere muri Brazil mu mupira w’amaguru ikaba yarashinzwe mu mwaka wa 1902 mu mugi wa Rio de Janeiro ishingwa n’umugabo Oscar Cox ikaba yakirira imikino yayo ku kibuga kiri mu bizwi muri Brazil aricyo Maracana nk’ikibuga cyakiriye igikombe cy’isi cya 2014.
Iyi kipe iri mu makipe akomeye iteye impungenge abafana n’abakunzi b’umupira w’amaguru bayireba ko yaba igiye kumanuka mu kiciro cya kabiri kubwo kugira umwaka mubi w’imikino kuko shampiyona y’ikiciro cya mbere muri Brazil izigaje imikino ibiri gusa ngo irangire nyamara Fluminense isigaje gukina mu rugo iwayo na Cuiaba yamaze kumanuka ubundi igaheruka Palmeiras yayisuye bikabasaba kwitwara neza kuko iyi kipe iri ku mwanya wa 16 n’amanota 40 ikaba irusha ikipe ya 18 amanota abiri gusa ariyo Red bull Bragantino yo ifite amanota 38.
Fluminense izwi nk’imwe mu makipe yazamuye abakinnyi bakomeye I burayi mu makipe yabo nka Marcelo wamenyekanye ubwo yakiniraga Real Madrid,Tiago Silva wamenyekanye muri Paris saint Germain, Fabinho wamenyekanye muri Liverpool na Monaco na Richarlison ukinira Tottenham Hotspur yo mu bwongereza, iyi kipe kandi ikaba iri no mu makipe azakina igikombe cy’isi cya 2025 kuko yatwaye igikombe cyo ku mugabane w’Amerika y’epfo cya 2023.
