Kuri uyu wa 16,ukuboza mu birori byabereye mu mujyi wa Marrakesh muri Morocco nibwo impuzamashyirahamwe y’umupira w’amaguru muri Africa izwi nka CAF yatanze ibihembo ku bakinnyi,abatoza abasifuzi haba mu bagore n’abagabo b’abanyafurika bitwaye neza muri uyu mwaka wa 2024 aho babarizwa mu buzima bwa burimunsi.
Ibi bihembo byatanzwe mu buryo bukurikira.
1.Umukinnyi wahize abandi mu bagabo
Iki gihembo cyegukanwe na Ademola Lookman w’imyaka 27 ukinira ikipe y’igihugu ya Nigeria na Atalanta yo mu butaliyani, uyu musore ahawe iki gihembo nyuma y’uko aje no ku mwanya wa 14 mu bahataniraga ballon d’or.
2. Umukinnyi wahize abandi mu bagore
Iki gihembo cyegukanwe na Barbra Banda w’imyaka 24 ukomoka mu gihugu cya Zambia akaba akinira ikipe ya Orlando Pride yo muri Leta zunze ubumwe z’Amerika.
3. Umunyezamu w’umugabo wahize abandi muri Africa.
Iki gihembo cyegukanwe na Ronwen Williams ukinira ikipe ya Mamelodi Sundowns yo muri Afurika y’epfo n’ikipe y’igihugu ya Afurika y’epfo, uyu mugabo akaba afite imyaka 33.
4. Umunyezamu wahize abandi mu bagore.
Iki gihembo cyegukanwe na Chiamaka Nnadozie ukinira ikipe ya Paris FC n’ikipe y’igihugu ya Nigeria,
5. Umutoza w’umunyafurika wahize abandi w’umugabo.
Iki gihembo cyegukanwe na Emerse Fae w’umunya Cote d’Ivoire wafashije igihugu cye nk’umutoza gutwara ihikombe cy’Afurika 2023 cyari cyabereye I wabo.
6. Umutoza w’umugore wahize abandi
Iki gihembo cyegukanwe na Lamia Boumedhi ukomoka mu gihugu cya Morocco w’imyaka 41 akaba atoza TP Mazembe yo muri Repubulika iharanira Demokarasi ya Congo.
7. Umukinnyi ukiri muto wahize abandi mu bagabo.
Iki gihembo cyegukanwe na Lamine Camara ukomoka muri Senegal akaba anakinira ikipe ya Monaco yo mu Bufaransa, uyu musore akaba afite imyaka 20.
8. Umukinnyi ukiri muto wahize abandi mu bagore.
Iki gihembo cyegukanwe na Doha El Madani w’imyaka 19 w’umunya Morocco ukinira ikipe ya AS FAR y’iwabo.
Ibindi bihembo byatanzwe harimo nk’ikipe y’umwaka mu bagabo muri Afurika yose cyagukanwe na Al Ahli yo mu Misiri, ikipe y’umwaka mu bagore cyegukanwe na TP Mazembe yo muri DRC, hanatanzwe kandi igihembo ku makipe y’ibihugu y’umwaka aho mu bagabo igihembo cyegukanwe na Cote D’Ivoire naho mu bagore cyegukanwe na Nigeria, hanahawe igihembo usifuzi witwaye neza mu bagabo gihabwa Mutaz Ibrahim ukomoka muri Libya.
