Kuri uyu wa 9,gashyantare ikipe ya mbere mu kiciro cya mbere mu Bwongereza yasezerewe n’iyanyuma mu kiciro cya kabiri mu mikino itegurwa n’ishyirahamwe ry’umupira w’amaguru mu Bwongereza rizwi nka FA cup.
Ikipe ya Liverpool iyoboye ikiciro cya mbere mu Bwongereza mu mukino yari yasuyemo ikipe ya Plymouth Argyle ya makumyabiri na kane mu makipe makumyabiri n’ane bivuze ko ariyo ya nyuma mu kiciro cya kabiri mu Bwongereza kizwi nka championship, iyi kipe yaje gusezerera Liverpool nyuma y’uko iyitsinze igitego kimwe ku busa, ni igitego cyabonetse kuri penalite yatewe na R.Hardie ku munota wa 53 Liverpool inanirwa kucyishyura.
FA cup ibaye igikombe cya mbere Liverpool isezerewemo ikaba isigaye muri UEFA champions league yasoje imikino y’ikiciro cya mbere iyoboye, shampiyona nayo iyoboye na Calabao cup yageze ku mukino wa nyuma.
