Akaliza ni Umwana muto w’imyaka 9 akaba umuririmbyi muri korali Injili Bora kuri uyu wa 26 nyakanga 2024, nibwo yashyize hanze indirimbo “Nina Siri” isubiwemo, ikaba indirimbo y’ umuhanzi Israel Mbonyi.
Ubusanzwe Shimwa Akaliza Gaella Yatangiye kuririmba afite imyaka 3 y’amavuko, aririmbira muri Injili Bora ajyana na nyina. Akaliza, Yashyize hanze indirimbo ye ya mbere afite imyaka 6 y’ amavuko ubu amaze gukora indirimbo nyinshi ze, harimo n’ iza ama cover. Uretse impano ikomeye afite yo kuririmba, ni n’umuvugabutumwa mwiz aho afite n’impano yo kubwiriza
Ababyeyi be ari nabo akomoraho impano yo kuririmba ni Sebagirirwa Gaston na Nyirahatangimana Philomene aba, batuye mu Mujyi wa Kigali mu murenge wa Gikondo umudugudu Rebero, bakaba ari abakristo mu itorero rya EPR / Gikondo Karugira. Se aririmba muri korali Abiteguye naho Nyina akaba ari umuririmbyi muri Injili Bora iri muri korali zikunzwe cyane mu Rwanda.
Nyina, Nyiratangimana Philomène yadutangarije ko ubwo Gaella yari afite imyaka 6 y’amavuko ari bwo yashyize hanze indirimbo ye ya mbere yitwa ‘Ijuru ryawe Mana’. Nyuma yayo yasohoye izindi nyinshi, harimo nizo yasubiyemo nk’ iyitwa ‘Hejuru y’Abami ndetse n’abatware,Nkoresha ya James na Daniella, Apfashe ukuboko yakoranye na Jessie, Bari njye utuma, nizindi nyinshi…harimo niyi nshya “Nina Siri” ya Israel Mbonyi yashyize hanze kuri uyu wa 26 nyakanga
Iyi ndirimbo nshya wayisanga ku rubuga rwa YouTube rwitwa “holy room.”
