Umukinnyi w’umupira w’amaguru ukomoka mu Buholandi w’imyaka 30 Jean Paul Boetius yatangarije isi ko yakize indwara ya kanseri yamufashe mu mwaka wa 2022 ubwo yakiniraga ikipe Hertha Berlin yo mu Budage.
Uyu musore kuri uyu wa 2, kanama 2024 nibwo yatangaje ko aherutse gukira indwara ya kanseri ifata udusabo tw’intanga izwi mu cyongereza nka testicular Cancer yamufashe mu mwaka wa 2022 akaba yari amaze igihe kigera ku myaka ibiri afite ubu burwayi gusa kubw’amahirwe ntibumuhitane mu gihe yumvaga arembye, avuga ko yumvaga yarihebye cyane.
Uyu mukinnyi aganira n’igitangazamakuru Oranjezomel yagize ati” ubu noneho navuga ko meze neza, nakiriye amakuru meza avuye ku baganga mu minsi cumi n’itanu ishize”, uyu mukinnyi yakomeje avuga ko yiteguye gusubira mu kibuga agakina vuba cyane bishoboka.
