Ikipe y’igihugu ya Morocco y’umupira w’amaguru yatsinze igihugu cya Misiri mu mikino ya Olempike iri kubera mu gihugu cy’Ubufaransa ku mukino bakinaga bahatanira umwanya wa gatatu.
Ni umukino ibi bihugu byakinaga nyuma y’uko ikipe y’igihugu ya Morocco isezerewe na Esipanye naho igihugu cya Misiri gisezererwa n’abafaransa ku kinyuranyo cy’ibitego bitatu kuri kimwe naho Morocco ikaba yaratsinzwe ibitego bibiri kuri kimwe na Esipanye, nyuma y’uko ibi bihugu bisezerewe muri kimwe cya kabiri bakiniye umwanya wa gatatu Morocco inyagira Misiri ibitego bitandatu ku busa batsinzwe na Sofian Rahimi watsinzemo ibitego bibiri,A.Ezzalzouri, El Khannouss, A. Nakach, na Achraf Hakimi ukinira ikipe ya Paris saint Germain yo mu Bufaransa.
Imikino ya Olympic ubusanzwe ikinwa n’abakinnyi batarengeje imyaka makumyabiri n’itatu ariko hamerererwa abandi batatu bayirengeje mu rwego rwo gutanga ubunararibonye muri barumuna babo.
