Ikipe ya Chelsea yo mu kiciro cya mbere mu Bwongereza iri gutungura benshi ku buryo iri guha abakinnyi bayo amasezerano y’imyaka myinshi cyane by’agahebuzo ku musore wayo w’umwongereza Cole Palmer wasinye kuri uyu wa 13, kanama, amasezerano ye aje akurikira abandi benshi iyi kipe yahaye amasezerano atangaje.
Aba bakinnyi bahawe amasezerano mu buryo bukurikira:
1. Cole palmer
Uyu musore W’umwongereza w’imyaka 22 yasinye amasezerano mashya azamugeza mu mwaka wa 2033 akinira Chelsea, yaguzwe aturutse mu ikipe ya Manchester city mu mpeshyi y’umwaka ushize aguzwe asaga miriyoni 41 z’amayero.
2. Enzo Fernandes
Uyu musore ukomoka muri Argentina afite amasezerano n’ikipe ya Chelsea amugeza mu mwaka wa 2032 kuri ubu akaba afite imyaka 23 akaba yaraje muri Chelsea aguzwe miriyoni 106 z’amayero aturutse mu ikipe ya Benfica yo mu gihugu cya Portugal.
3. Moises Caicedo
Uyu munya Ecuador we afite amasezerano azamugeza mu mwaka wa 2031 akinira iyi kipe ya chelsea kuri ubu akaba afite imyaka 22 akaba yaraguzwe asaga miriyoni 115 z’amapawundi mu ikipe ya Brighton and Hove Albion yo mu bwongereza.
4. Malo Gusto
Uyu musore w’umufaransa afite imyaka 21 akaba afite amasezerano amugeza mu mwaka wa 2031 akinira Chelsea,akaba yaraje mu mwaka wa 2023 aturutse mu ikipe ya Olympic Lyonnais yo mu Bufaransa .
5. Benoit Badiachile
Uyu mufaransa nawe yaje aturuka mu ikipe ya Monaco yo mu Bufaransa akaba yarasinye amasezerano y’imyaka irindwi muri Chelsea azamugeza mu mwaka wa 2030 ayikinira ubu akaba afite imyaka 23 yaguzwe asaga miriyoni 35 z’amapawundi.
