Umutoza ukomoka mu gihugu cya Argentina Mauricio Pochettino w’imyaka 52 uherutse gutandukana n’ikipe ya Chelsea yo mu Bwongereza ubu yamaze kumvikana n’igihugu cya Leta zunze ubumwe za Amerika kubabera umutoza hatagize igihinduka.
Nk’uko tubikesha umwanditsi Fabrizio Romano, wavuze ko uyu mugabo watoje amakipe nka Español kuva 2009-2012, Southampton kuva 2013-2014 yerekeza muri Tottenham Hotspur yatoje imyaka itanu kugeza 2019, aza guhabwa akazi na Paris saint Germain yamazemo umwaka umwe kuva 2021-2022 nyuma yo gutandukana nayo yaje guhabwa akazi na Chelsea mu mwaka ushize ayitoza umwaka w’imikino wa 2023/2024 ayifasha kugera ku mwanya wa gatandatu ivuye ku mwanya wa 12 yari yajeho umwaka wabanje, ubu rero bikaba bivugwa ko agiye gutoza Leta zunze ubumwe za Amerika nk’urugendo rwe rushya.
Uyu mugabo biravugwa ko azafasha iki gihugu kwitegura no gukina igikombe cy’isi cya 2026 kizabera muri Leta zunze ubumwe za Amerika,Mexico no muri Canada, imyaka yemejwe ku mpande zombi ko azamarana n’iki gihugu ntirashyirwa hanze.
