Ikipe ya Police FC ikina ikiciro cya mbere hano mu Rwanda ikaba inafite itike yo kuzakina imikino nyafurika y’ababaye aba kabiri mu bihugu byabo izwi nka CAF confederations cup 2024 yohereje abakinnyi ba mbere.
Iyi kipe ikaba yafashe gahunda yo kujya mu gihugu cya Algeria aho izakina n’ikipe yaho ya Constantine Sc mu byiciro hakaba hamaze kugenda ikiciro cya mbere cyagaragayemo na Abed Bigirimana w’umurundi aho bahagurutse muri iri joro ryo kuwa 12, kanama ku kibuga cy’indege mpuzamahanga I Kanombe.
Ni umukino w’ijonjora rya mbere uzaba ku italiki ya 17 uku kwezi uzabera muri Algeria aho uwo kwishyura uzabera hano mu Rwanda.
