Umutoza w’umutaliyani Thiago Motta w’imyaka 42 uri gutoza ikipe ya Juventus kuva mu mpeshyi y’uyu mwaka aturutse muri Bologna yavuze kuri Adrien Rabiot uherutse gusoza amasezerano ye muri Juventus.
Uyu mutoza uherutse guhereza ikipe yatozaga ya Bologna umwanya wo gukina UEFA champions league byanatumye agaragara nk’uwasimbura neza Massimiliano Allegri, mu kiganiro yagiranye n’itangazamakuru kuri uyu wa 13,nzeri yabajijwe niba yaba yaraganiriye na Gapiteni ucyuye igihe muri Juventus Adrien Rabiot avuga ko batigeze bavugana na rimwe, ni mu magambo yagize ati “Rabiot?, ntiyigeze ampamagara gusa ndamwifuriza ibyiza”.
Uyu mugabo uherutse gutandukana na Juventus (Rabiot) kuri ubu nta kipe afite kuva mu kwezi kwa gatandatu ari gukora imyitozo ku giti cye cyane ko atigeze agaragaza ubushake we na Juventus bwo kuba baganira ku kuba yakongera amasezerano yo gukomezanya.
