Umukinnyi mpuzamahanga w’imyaka 38 ukomoka mu gihugu cya Croatia yamaze kwongera umwaka umwe w’amasezerano mu ikipe ya Real Madrid amazemo imyaka cumi n’ibiri.
Luka Modric yongereye amasezerano y’umwaka umwe mu ikipe ifatwa nk’iyambere ku isi ya Real Madrid, nk’uko iyi kipe yabitangaje mu bitangazamakuru byayo kuri uyu wa 17 nyakanga ko bemeranyije na Modric undi mwaka umwe abakinira akazageza mu mpeshyi ya 2025 akiri umukinnyi w’iyi kipe yo muri Esipanye.
Uyu mukinnyi yageze muri Real Madrid mu mwaka wa 2012 ubwo yari afite imyaka 26 avuye mu ikipe ya Tottenham Hotspur akaba yaraje no gutwara umupira wa zahabu uzwi nka Ballon D’Or muri Real Madrid mu mwaka wa 2018.
