Umukinnyi wabihagaritse ukomoka muri Wales Craig Douglas Bellamy w’imyaka 45 ari mu bakinnyi bafite uduhigo two gukinira amakipe menshi muri shampiyona y’igihugu kimwe Aho yakiniye amakipe arindwi atandukanye muri shampiyona y’abongereza .
1. Norwich City
Uyu mukinnyi yakiniye Norwich nk’ikipe ya mbere ubwo yari atangiye gukina nk’uwabigize umwuga hari mu mwaka wa 1996 ageza mu mwaka wa 2000 .
2. Coventry City
Craig Bellamy nyuma yo gutandukana n’ikipe ya Norwich mu mwaka wa 2000 yerekeje mu yindi kipe ikina muri shampiyona y’abongereza ariyo Coventry City Aho yayikiniye umwaka umwe akayivamo mu mwaka wa 2001 aho yayikiniye imikino 34 agatsinda ibitego bitandatu.
3. Newcastle united
Uyu mukinnyi mu mwaka wa 2001 avuye mu ikipe ya Coventry yaje muri Newcastle united aho yayikiniye imyaka ine akayivamo mu mwaka wa 2005 ayikiniye imikino 93 ayitsindira ibitego 28.
4. Blackburn rovers
Craig Bellamy yaje kwerekeza muri iyi kipe nyuma yo kuva mu ntizanyo mu ikipe ya Celtic yo muri Scotland aho yari yaratijweyo na Newcastle, Blackburn rovers yayikiniye umwaka umwe kuva 2005 kugera 2006,ayikinira imikino 27 atsinda ibitego 13.
5. Liverpool
Uyu mukinnyi nyuma yo gukina umwaka umwe w’imikino muri Blackburn rovers yaje kwerekeza muri Liverpool mu mwaka w’imikino wa 2006/2007 Aho yayikiniye imikino 27 atsindayo ibitego birindwi.
6. West Ham united
Craig Bellamy nyuma y’umwaka umwe w’imikino muri Liverpool yaje kwerekeza muri West Ham united akinayo kuva 2007 kugeza 2009 ayikinira imikino 24 atsinda ibitego atsinda ibitego birindwi.
7. Manchester city
Ikipe ya karindwi Craig Bellamy yaje gukinira Manchester city aho yayikinnyemo imyaka ibiri ayitsindira ibitego cumi na bibiri mu mikino 40.
Uyu mukinnyi yaje gusubira muri Liverpool mu mwaka wa 2012 ku nshuro ya kabiri ayikinira imikino makumyabiri n’ine atsindayo ibitego bitandatu iza kumutanga mu ikipe yo mu kiciro cya kabiri ya Cardiff akinayo kuva mu mwaka wa 2012 kugeza muri 2014 aho yaje kurekera umupira nyuma y’ikibazo cy’imvune yo mu ivi yagize.
